ജൈവിക കീട നിയന്ത്രണ മാർഗ്ഗങ്ങൾ (രചന: ശിവദാസ് മാസ്റ്റർ പഴമ്പിള്ളി)

ജൈവിക കീട നിയന്ത്രണ മാർഗ്ഗങ്ങൾ

(രചന: ശിവദാസ് മാസ്റ്റർ പഴമ്പിള്ളി)

            നമ്മുടെ ഭക്ഷണത്തിൽ പച്ചക്കറികളുടെ പ്രാധാന്യം എല്ലാവർക്കും ബോദ്ധ്യപ്പെട്ടിരിക്കുന്ന കാലഘട്ടമാണ്‌ ഇന്നത്തേത്. നമ്മളിൽ പലരും ചെറിയ തോതിലെങ്കിലും പച്ചക്കറി ചെയ്യുന്നവരാണ്‌. എന്നാൽ അവരിൽ മിക്കവർക്കും ചെയ്യുന്ന കൃഷിയിൽ നിന്നും കാര്യമായ ഫലമൊന്നും കിട്ടാറില്ല എന്നതാണ്‌ വാസ്തവം. കരണം എന്താ? വിത്തു മുളച്ച് ചെടി പുറത്തു വരുമ്പോൾ മുതൽ തുടങ്ങുകയായി വിവിധയിനം കീടങ്ങളുടെ ആക്രമണം, വ്യത്യസ്തയിനം രോഗങ്ങളുടെ രംഗപ്രവേശം. 

            പച്ചക്കറികൾക്കായി അന്യ സംസ്ഥാനങ്ങളെ ആശ്രയിക്കേണ്ട ഗതികേടാണല്ലോ മലയാളികൾക്ക്. അവിടെനിന്നും ലഭിക്കുന്ന പച്ചക്കറികളിൽ മാരകമായ അളവിൽ വിഷം അടങ്ങിയിരിക്കുന്നതായുള്ള അറിവ് നമ്മെ ആശങ്കാകുലരാക്കുന്നു. വിഷരഹിതമായ പച്ചക്കറി ലഭിക്കണമെങ്കിൽ നാം തന്നെ അവ ഉല്പാദിക്കണം, അതും നമ്മുടെ വീട്ടുവളപ്പിൽ. അവയുടെ പരിചരണത്തിൽ അമിതമായ രാസവളപ്രയോഗമോ, മാരകമായ വിഷകീടനാശിനികളോ ഉപയോഗിക്കാതിരിക്കണം. ഈ തിരിച്ചറിവ് നമ്മെ ജൈവകൃഷിയിലേക്ക് വഴി നടത്തുന്നു. ജൈവവിക രീതികളിൽ കൃഷി ചെയ്യുക, ജൈവ വളങ്ങൾ മാത്രം ഉപയോഗിക്കുക, കീടാക്രമണങ്ങക്കും രോഗങ്ങൾക്കും എതിരെ ജൈവ നിയന്ത്രണ മാർഗ്ഗങ്ങൾ സ്വീകരിക്കുക എന്നിവയൊക്കെ നാം ശ്രദ്ധിക്കേണ്ട കാര്യങ്ങളാണ്‌.

            നമ്മുടെ അടുക്കള തോട്ടത്തിൽ സാധാരണ കൃഷി ചെയ്യുന്ന പച്ചക്കറികൾക്ക് ഉണ്ടാകാവുന്ന കീടാക്രമണങ്ങളേയും രോഗങ്ങളെയും നിയന്ത്രിക്കുവാനും അവ വരാതിരിക്കാനുള്ള മുൻ കരുതലുകൾക്കും ആവശ്യമായ ജൈവ കീടനാശിനികൾ നമുക്കു തന്നെ വലിയ ചെലവോ ബുദ്ധിമുട്ടോ  കൂടാതെ  നമ്മുടെ വീട്ടിൽ നിർമ്മിക്കാം. ഏതാനും  ജൈവ കീട നിയന്ത്രണ മാർഗ്ഗങ്ങൾ ചുവടെ ചേർക്കുന്നു.

വെവേസോവെ മിശ്രിതം (കലർപ്പ്)

ആവശ്യമായ സാധനങ്ങൾ

1. വെ ളുത്തുള്ളി                                   20 ഗ്രാം

2. വേപ്പെണ്ണ                                        20 മില്ലീലിറ്റർ

3. സോപ്പ് (ഡിറ്റർജെന്റ് അല്ല)                5 ഗ്രാം

4. വെള്ളം                                            1 ലിറ്റർ

തയ്യാറാക്കുന്ന വിധം

            സാധാരണ അലക്കുസോപ്പ് () 5ഗ്രാം എടുത്ത് ഒരു ലിറ്റർ വെള്ളത്തിൽ ലയിപ്പിക്കുക. 20ഗ്രാം വെളുത്തുള്ളി തൊലി കളഞ്ഞ് അരച്ചെടുത്തതും 20 മില്ലീലിറ്റർ വേപ്പെണ്ണയും കൂടി മുമ്പു തയ്യാറാക്കിയ സോപ്പു ലായനിയിൽ കളർത്തി നല്ലാപോലെ ഇളക്കുക. വേപ്പെണ്ണ നന്നായി കലരുന്നതിനു ശക്തിയായി കുറെ നേരം ഇളക്കേണ്ടിവരും.  ഇത്രയും ചെയ്താൽ വെവേസോവെ മിശ്രിത കീടനാശിനി തയ്യാറായിക്കഴിഞ്ഞു. കുപ്പിയി സൂക്ഷിക്കാം. പച്ചക്കറി വിളകളിലെ നീരൂറ്റി കുടി ക്കുന്ന കീടങ്ങൾക്കെതിരെ തളിക്കാം

 

            കുറിപ്പ്: മിശ്രിതം ഉണ്ടാക്കി കൂടുതൽ കാലം സൂക്ഷിച്ചു വെക്കുന്നതിനേക്കാൾ നല്ലത് ആവശ്യാനുസരണം അതാതു സമയത്ത് ഉണ്ടാക്കുന്നതാണ്‌. മിശ്രിതത്തിന്റെ  വീര്യവും ഗുണവും വർദ്ധിപ്പിക്കാൻ അഞ്ചോ ആറോ കാന്താരി മുളക് കൂടി അരച്ചു ചേർക്കുന്നത് നല്ലതാണ്‌. (തുടരും)

MASTERJI'S GURUKULAM: ഞങ്ങളും നോട്ടാ …(NOTA) (BY SIVADAS MASTER PAZHAMP...

MASTERJI'S GURUKULAM: ഞങ്ങളും നോട്ടാ …(NOTA) (BY SIVADAS MASTER PAZHAMP...: 15 - 45 ഞങ്ങളും നോട്ടാ   …(NOTA)             ഒന്നാം തിയ്യതി തന്നെ പെൻഷൻ വാങ്ങിക്കണം എന്ന നിർബന്ധം പണം വാങ്ങി കൈവശം വെക്കാനുള്ള...

ഞങ്ങളും നോട്ടാ …(NOTA) (BY SIVADAS MASTER PAZHAMPILLY)

15 - 45

ഞങ്ങളും നോട്ടാ … (NOTA…)

            ഒന്നാം തിയ്യതി തന്നെ പെൻഷൻ വാങ്ങിക്കണം എന്ന നിർബന്ധം പണം വാങ്ങി കൈവശം വെക്കാനുള്ള അത്യാർത്ഥിയായി കരുതേണ്ട.അന്നാണ്‌ കൂടുതൽ സുഹൃത്തുക്കൾ ട്രഷറിയിൽ എത്തുക. അവരുമായി ഗതകാല ഗർവ്വുകൾ പങ്കുവെക്കാം, പുതുമയെ പഴിക്കാം. ഇതെല്ലാം ഇത്തവണയും നടന്നു. എന്നാലത് എട്ടിന്റെ പണിയാവുമെന്ന ചിന്ത എട്ടയലത്തു പോലുമുണ്ടായിരുന്നില്ല. പെൻഷനുകൾ മുമ്പെയാണല്ലോ തരുന്നത്. ആ കാശ് കയ്യിലിരുന്നാൽ അതൊരു കരുത്താണ്‌; അരിക്കടയിലും മരുന്നു പെട്ടിയിലും ആവർത്തന നിക്ഷേപമായി ചെല്ലേണ്ട ചെമ്പാണത്. എന്നാലീ ഒന്നാം തിയ്യതി ഇറങ്ങിയപ്പോൾ തന്നെ ശകുനം ‘ദു’ ആയിരുന്നെന്നാ തോന്നുന്നെ.

മാളിക മുകളേറിയ മന്നന്റെ...

            മണി കയ്യിലുള്ളപ്പോൾ അതിന്റെ കിലുക്കം മനസ്സിൽ മന്ദാരപ്പൂക്കൾ വിരിയിക്കുമായിരുന്നു. എന്നാലിപ്പോൾ സഹസ്രനും അർദ്ധ സഹസ്രനും മണ്ണിൽ പതിച്ചപ്പോൾ മാറാപ്പു ചമക്കാനായി ഗതി, ചുമ മരുന്നു തീർന്നതിനാൽ ചുമക്ക്യാം ചുമച്ചുകോണ്ടേയിരിക്കാം. സഹസ്രനേയും അർദ്ധ സഹസ്രനേയും അന്ത്യാഞ്ജലികൾ അർപ്പിച്ച് സംസ്കാര ചടങ്ങുകൾക്കായുള്ള നേട്ടോട്ടം തുടരുന്നു.. (ഒരു പക്ഷമായി)

ഇപ്പോഴത്തെ ദിനചര്യ ...

            പുലർച്ച മൂന്നര മണിക്ക് ഉണരുക, പ്രാഥമിക ആവശ്യങ്ങൾ, നടത്തം, യോഗ എന്നിവ പേരിനുമാത്രം. കിട്ടിയാലൊരു കട്ടൻ, തുടർന്നൊരു കാക്കക്കുളി. പിന്നെയൊരു ഓട്ടമാണ്‌, ബാങ്കിലേക്ക്. ഓട്ടത്തിനിടയിൽ ചങ്ങാതിയെയും കൂട്ടാമെന്നു കരുതി വിളിച്ചപ്പോൾ, മറുപടി: “നിങ്ങൾ ക്യൂവിലാണ്‌ …, സൗകര്യമുള്ളപ്പോൾ എപ്പോഴെങ്കിലും വിളിക്കൂ; ബാങ്കിലെ ക്യൂവിന്റെ കാര്യം മറക്കേണ്ട… ഓടിക്കോളൂ…”

ഇതെന്തിന്റെ ക്യുവാ...?

            സമയം രാവിലെ 6-15. ഓട്ടത്തിനിടയിൽ ’ജന വരി‘കളുടെ രണ്ടറ്റങ്ങൾ...കണ്ണിൽ  പെട്ടത് പ്രശ്നമായി. ഇവ ഏതൊക്കെ ബാങ്കിലേക്കാണാവോ? ആത്മഗതം അല്പം ഉച്ചത്തിലായിപ്പോയോ എന്തോ? ഉത്തരം ഉടനെ വന്നു: “ഒന്നു ബീവ്രേജസ്സിലേക്കും മറ്റൊന്നു ബാങ്കിലേക്കും, കയറിക്കോ. അറ്റം കാണാൻ യോഗമുണ്ടെങ്കിൽ അവിടെത്തുമ്പോൾ നമുക്കഡ്ജസ്റ്റ് ചെയ്യാം.”

സമയം 15 - 45 .

            മുന്നിൽ ഇനിയും 60-70 പേരുണ്ട്, ഓരോവരിയിലും.

“സാറേ..... സാറൊന്നു എന്റെ വരിയിൽ നിക്കോ? ഞാനാണവിടെ നില്ക്കേണ്ടത്. സാറു നില്ക്കുന്നത് ബീവറേജസ്സിലേക്കുള്ള വരിയിലാ...”

വരികൾ പരസ്പരം മാറി. അപ്പോഴേക്കും സന്ദേശങ്ങൾ വായകൾ വഴി വായു മാർഗ്ഗം എത്തി

“രണ്ടായിരമേ മാറിത്തരൂ. അതും രണ്ടായിരത്തിന്റെ നോട്ടാ.”

എന്തെങ്കിലും ആകട്ടെ. പുത്തൻ ഒരെണ്ണം കിട്ടുമല്ലോ. സന്തോഷം അണപൊട്ടി. കണ്ണുകൾ കവിഞ്ഞൊഴുകി.. കാഴ്ച അവ്യക്തമായി. പെട്ടന്നതാ എല്ലവരും വരിയിൽ നിന്നും പിരിയുന്നതുപോലെ ഒരു തോനൽ. കാതിൽ അലച്ച ശബ്ദവീചികൾ “ കാശു തീർന്നു, ഇനി നാളെ വന്നാൽ മതി.“

ആ വാക്കുകൾ ഒരു പാസ്സ്വേഡ്  ആയിരുന്നോ? തലച്ചോർ അതിനനുസരിച്ച് നിർദ്ദേശങ്ങൾ നല്കിയോ? കാലുകൾ മിന്നൽ പണിമുടക്ക് ആരംഭിക്കോ? ഒന്നു ഓർക്കാൻ കഴിയുന്നില്ല....

വായുവിലൂടെ സഞ്ചരിക്കുന്ന അവസ്ഥ...

മുഖത്തൊരു ചറ്റൽ മഴ...

കാതുകൾ പ്രവർത്തനം തുടങ്ങിയെന്നു തോന്നുന്നു...

”പഴയ നോട്ടുകൾ ആശുപത്രിയിൽ വേണ്ടത്രേ.... നമുക്ക് സാറിനെ വീട്ടിൽ കൊണ്ടാക്കാം.“

ബീവറേജസ്സ് വരിയിലെ സമീപവരിയന്മാർ താങ്ങി വീട്ടിലേക്ക് നടക്കുമ്പോൽ നല്ലവരായ നാട്ടുകാരുടെ നാക്കുകൾ വളഞ്ഞു: ”സാറിതും തുടങ്ങിയോ?“

.   .   .   .   .   .   .   .   .   .

വീട്ടിലെത്തിയപ്പോൾ വാമഭാഗത്തിന്റെ വചനം:

പഴയ നോട്ടുകൾ ‘ഷാപ്പി’ലെടുക്കും അല്ലേ?“

നല്ലവരായ രജിസ്റ്റേർഡ് കുടിയന്മാരെ നന്ദിപൂർവ്വം കടാക്ഷിച്ച് ഞാൻ കണ്ണുകളും കാതുകളും കടച്ചു, ഇന്നിവ ഇനി പ്രവർത്തിച്ചാൽ അപകടം!

അപ്പോഴും അർദ്ധ സഹസ്രന്മാർ പത്തുപേർ പോക്കറ്റിൽ കിടന്നു വിലപിക്കുന്നുണ്ടായിരുന്നു.

”നമ്മളിപ്പോൾ തിരഞ്ഞെടുപ്പിലെ നോട്ടാ. അസാധു.”

“(NOTA - None Of The Above). ഞങ്ങൾ ആർക്കും മുകളിലല്ല. ഞങ്ങൾക്കു മുകളിൽ ഏതു പരുന്തിനും പറക്കാം“

”ഇനി നമ്മളെ ആർക്കു വേണം?.....  ങാ... സാറിന്റെ കൊച്ചുമോനു വഞ്ചിയുണ്ടാക്കി കളിക്കാം“

അപ്പോഴും നോട്ടിലെ ഗാന്ധിപ്പടത്തിന്റെ ആത്മവിശ്വാസം നഷ്ടപ്പെട്ടിരുന്നില്ല, മറഞ്ഞിരുന്നില്ല ആ മന്ദഹാസവും.

  

(തുടരും)

രചന : ശിവദാസ് മാസ്റ്റർ പഴമ്പിള്ളി

 

 

VAYOJANA DINACHARANAM (PHOTOS BY SIVADAS MASTER PAZHAMPILLY)

 

SCENES FROM KERALOTHSAVAM 2016 (BY SIVADAS MASTER PAZHAMPILLY)

 

 

 

 

 

 

 

 

 കേരളോത്സവം

          ഇന്ത്യാ മഹാരാജ്യത്തിൽ താരതമ്യേന ഏറ്റവും ചെറിയ സംസ്ഥാനങ്ങളിൽ ഒന്നാണ്‌ കേരളം.  വിദ്യാഭ്യാസം, ആരോഗ്യ പരിരക്ഷ എന്നിവയിലുണ്ടായ വികാസം കേരളീയരുടെ ആയുർദൈർഘ്യം വളരെയധികം വർദ്ധിപ്പിച്ചതായി കാണുന്നു. കർമ്മ മണ്ഡലത്തിൽ കാര്യക്ഷമമായി വ്യാപരിക്കുവാൻ കഴിയുന്ന വിഭാഗം എന്നും എവിടെയും യുവജനങ്ങളാണ്‌. കേരളത്തിൽ യുവജനങ്ങളുടെ ആപേക്ഷിക ശതമാനം കുറഞ്ഞാണ്‌ വരുന്നത്. കേരളത്തിന്റെ മൊത്തം ജനസംഖ്യയുടെ ഏകദേശം 38% മാത്രമാണ്‌ യുവജനങ്ങൾ. ഈ യുവജനങ്ങളുടെ ശാരീരികവും മാനസികവും സാമൂഹികവും സാംസ്കാരികവുമായ വളർച്ച നാടിനെ സംബന്ധിച്ച് വളരെ പ്രാധാന്യമേറിയതാണ്‌. അതിനായി കേരള സർക്കാരും ത്രിതല പഞ്ചായത്തുകളും സംയുക്തമായി ആരംഭിച്ച നവീന സംരംഭമാണ്‌ കേരളോത്സവം.

സർക്കാർ ഉത്തരവ് നമ്പർ 126/85/പൊ.വി.വ. അനുസരിച്ച് 1955 ലെ ചാരിറ്റബിൾ സൊസൈറ്റീസ് ആക്ട് പ്രകാരം 1985ലാണ്‌ കേരള സംസ്ഥാന യുവജനക്ഷേമ ബോർഡ് രജിസ്റ്റർ ചെയ്യപ്പെട്ടത്. ഈ സ്വയംഭരണ സ്ഥാപനത്തിന്റെ മെമ്മോറാണ്ടം ഓഫ് അസോസിയേഷൻ അനുസരിച്ച് പൊതുവിൽ യുവജനങ്ങളുടെ ക്ഷേമവും വികസനവും പ്രത്യേകിച്ച് പട്ടികജാതി-പട്ടികവർഗ്ഗ യുവജനങ്ങളുടെ ഭൗതികവും സാംസ്കാരികപരവും, സാഹിത്യപരവും ശാസ്ത്രപരവും തൊഴിൽ പരവുമായ  വികസനത്തിന്‌ ഉതകുന്ന തരത്തിലുള്ള പദ്ധതികളും പരിപാടികളും ആസൂത്രണം ചെയ്ത് നടപ്പാക്കുവാനാണ്‌ ലക്ഷ്യമിടുന്നത്.           സ്ഥാപനത്തിന്റെ അടിസ്ഥാന ലക്ഷ്യങ്ങളുടെ പ്രാപ്തിക്കായി പല നൂതന പരിപാടികളും ഈ ബോർഡ് വിജയകരമായി, ഫലവത്തായി നടപ്പാക്കിയിട്ടുണ്ട്. ഇത്തരം പ്രവർത്തനങ്ങളിൽ ഏറ്റവും ജനശ്രദ്ധ ആകർഷിക്കുന്ന പരിപാടിയാണ്‌ കേരളോത്സവം.  നഗരവാസികൾക്ക് ഒപ്പം തന്നെ ഗ്രാമീണ മേഖലയിലെ യുവജനങ്ങൾക്കും തങ്ങളുടെ കലാകായിക കഴിവുകൾ പ്രകടിപ്പിക്കുന്നതിനും പ്രോത്സാഹിപ്പിക്കുന്നതിനും അവസരം ഒരുക്കുക എന്ന മഹത്തായ ലക്ഷ്യത്തോടെയാണ്‌ കേരളോത്സവം ആസൂത്രണം ചെയ്യപ്പെട്ടത്. വർഷം തോറും പതിനായിരക്കണക്കിനു യുവജനങ്ങൾ പങ്കെടുക്കുന്ന ഈ പരിപാടിയുടെ ഉദ്ദേശ്യ ലക്ഷ്യങ്ങൾ നമുക്കൊന്നു വിശദമായി പരിശോധിക്കാം.

കേരളോത്സവ ലക്ഷ്യങ്ങൾ     

     1. സ്കൂൾ- കോളേജ് തലങ്ങളിൽ വിവിധ യുവജനോത്സങ്ങളിൽ പങ്കെടുക്കുവാൻ
         (വിവിധകാരണങ്ങളാൽ)           സാധിക്കാതായ 15 - 35 പ്രായപരിധിയിലുള്ള
        യുവജനങ്ങൾക്ക് തങ്ങളുടെ കഴിവുകൾ സമൂഹത്തിനു  മുന്നിൽ പ്രകടിപ്പിച്ച് വ്യക്തിത്വ
        വികാസം പൂർത്തിയാക്കാൻ അവസരമൊരുക്കുക.

     2. കലാപരവും സർഗ്ഗാത്മകവും സാംസ്കാരികവും കായികവുമായ കഴിവുകൾ
          പ്രകടിപ്പിക്കുവാൻ അവസര          മൊരുക്കുക.

     3.  കൃഷിയോടും  മണ്ണിനോടും  പ്രകൃതിയോടും സ്നേഹവും, അദ്ധ്വാനശീലവും,    
          ആരോഗ്യകരമായ ജീവിത          ശൈലികളും യുവാക്കളിൽ വളർത്തുക.

     4. അവരിൽ സാഹോദര്യവും സഹകരണ ബോധവും സഹവർത്തിത്തവും വളർത്തുക.

     5. ഒരു പൊതു സംഗമ വേദിയിൽ ഒത്തു കൂടുന്നതിനുള്ള അവസരം പ്രദാനം ചെയ്യുക.

     6. ഐക്യബോധം വളർത്തി നാടിന്റെ, സമൂഹത്തിന്റെ നന്മക്കായി അർപ്പണബോധത്തോടെ
         പ്രവർത്തിക്കുവാൻ യുവജനങ്ങളെ സജ്ജമാക്കുക.

     7. സമൂഹവും ഭരണസംവിധാനവും തമ്മിൽ   അഭിലഷണിയമായ, ആരോഗ്യകരമായ 

         പരസ്പര സമ്പർക്കം ഉറപ്പാക്കുക.

 

സംഘാടനം

     കേരള സർക്കരിന്റെ ആഭിമുഖ്യത്തിൽ കേരള സംസ്ഥാന യുവജന ബോർഡിന്റെ നേതൃത്വത്തിൽ തദ്ദേശ സ്വയംഭരണ സ്ഥപനങ്ങളുടെയും വിവിധ വകുപ്പുകളുടെയും സമൂഹത്തിന്റെയും സഹകരണത്തോടെയാണ്‌ കേരളോത്സവം നടത്തുന്നത്.

     ആദ്യമായി കേരളോത്സവം സംഘടിപ്പിച്ചത് 1988ൽ ആണ്‌. തുടർന്ന് ഒരോ വർഷവും കേരളോത്സവം മുടക്കമില്ലാതെ നടത്തി വരുന്നു. ഗ്രാമപഞ്ചായത്ത്, ബ്ലോക്ക്, ജില്ലാ, സംസ്ഥാന തലങ്ങളിൽ മത്സരങ്ങൾ നടത്തിവരുന്നു. ഒരു തലത്തിലെ വിജയിക്ക് തൊട്ടു മുകളിലുള്ള തലത്തിലെ മത്സരത്തിൽ പങ്കെടുക്കാം. എല്ലാതലങ്ങളിലും വിജയികൾക്ക് സമ്മാനങ്ങൾ നല്കുവാൻ സംഘാടകർ മറക്കാറില്ല. സംസ്ഥാനതല വിജയികൾക്ക് കാഷ് അവാർഡുകളും ഉണ്ട്. അവർക്ക് ദേശീയ യുവജനോത്സത്തിൽ കേരളത്തെ പ്രതിനിധാനം ചെയ്യുവാനും സാധിക്കും.

     ഇരുപത്തിഒമ്പതാമതു കേരളോത്സവമാണ്‌ 2016ൽ നടത്തപ്പെടുന്നത്. മാത്രമല്ല ഇത്തവണ ഓണാഘോഷവും ഇതിന്റെ ഭാഗമായി നടത്തിയിരുന്നു. മറ്റൊരു പ്രത്യേകത കാർഷിക മത്സരങ്ങളും ഇത്തവണ പരിപാടികളുടെ പട്ടികയിൽ സ്ഥാനം നേടി എന്നതാണ്‌. 

     പരിപാടികൾ കൂടുതൽ മികവോടും വർദ്ധിച്ച ജന പങ്കാളിത്തത്തോടും ആഘോഷപൂർവ്വം സമയ ബന്ധിതമായി ചിട്ടയായി സംഘടിപ്പിക്കുവാൻ സഹായകമായി സർക്കാർ ഒരു കൈ പുസ്തകം (മാർഗ്ഗരേഖ) പ്രസിദ്ധീകരിക്കുകയും വിവിധ തലങ്ങളിൽ ആവശ്യമായ കമ്മിറ്റികൾ രൂപീകരിക്കുകയും ചെയ്തു എന്നത് വളരെ പ്രശംസ അർഹിക്കുന്നു.

    കലാ മത്സരങ്ങൾ, സാംസ്കാരിക മത്സരങ്ങൾ, കായികമത്സരങ്ങൾ, ഗെയിമുകൾ, കളരിപ്പയറ്റ്, അമ്പെയ്ത്ത്, കാർഷിക മത്സരങ്ങൾ എന്നിങ്ങനെ വൈവിദ്ധ്യമാർന്ന ഇനങ്ങൾ ഒരേ വേദിയിൽ അരങ്ങേറുന്ന സവിശേഷത കേരളോത്സവത്തിനു മാത്രം സ്വന്തമാണ്‌. ഇത് ‘നാനാത്വത്തിൽ ഏകത്വം’ എന്ന ഭാരതത്തിന്റെ പ്രത്യേകത നമ്മെ ഓർമ്മപ്പെടുത്തുന്നു.

CLICK HERE TO CONTINUE

KERALOTHSAVAM (BY SIVADAS MASTER PAZHAMPILLY)

KERALOTHSAVAM

Keralotsavam, the rare and unique youth festival, is conducted mainly for the youth who have no proper platform to present their cultural and physical talents. In this festival, youths in the age group of 15 - 35 can participate in Cultural, Arts and Sports competitions.  The competitions are held in four levels namely Panchayath, block, district and State levels. There are some selected cultural items, which are not popular in main stream cultural scene, has also been included in this festival. The winners of state level competitions can represent Kerala state in the National Youth Festival to be conducted from 12^th January, 2017.

Keralotsavam is now a widely accepted festival for the Youth of Kerala. As a result every youth in this State is getting a chance to project her / him to the fore-front in every sphere of life. Kerala created a model for the nation by initiating a colourful youth festival “Keralothsavam”, which is conducted with gaiety and fanfare every year. So Keralothsavam is considered as the National Youth Festival of Kerala. It was started in the year 1988 for the first time under the auspices of Kerala State Youth Welfare Board (KSYWB).

The Youth represent  the hope and future of a country. They have a vital role to play with regard for fostering and strengthening of social consciousness against all social evils and lead the country to unity and prosperity. So the youth community should be strengthened physically, mentally, socially and culturally" (Will be continued)

NOBEL PRIZE WINNERS OF THE YEAR 2016 (Colleted by Sivadas Master Pazhampilly)

NOBEL PRIZE WINNERS OF THE YEAR 2016

(Colleted by Sivadas Master Pazhampilly)   

 

 

ALFRED NOBEL

Nobel Prize winners of the year 2016  were revealed throughout the first two weeks of October. Here are the details:

MOOLABHADRAM- AN ANCIENT CODE LANGUAGE മൂലഭദ്രം എന്ന രഹസ്യ ഭാഷ (BY SIVADAS MASTER PAZHAMPILLY)

MOOLABHADRAM- AN ANCIENT CODE LANGUAGE

മൂലഭദ്രം എന്ന രഹസ്യ ഭാഷയെ നമുക്കിന്ന് പരിചയപ്പെടാം

The World of Numbers (By P. Sivadas Master) സംഖ്യകളുടെ ലോകം (ശിവദാസ് മാസ്റ്റർ പഴമ്പിള്ളി)

The World of Numbers

(By P. Sivadas Master)

സംഖ്യകളുടെ ലോകം

(ശിവദാസ് മാസ്റ്റർ പഴമ്പിള്ളി)

മാനവ ജീവിതത്തിൽ ദൈനംദിനം നാം പ്രയോജപ്പെടത്തുന്ന സംഖ്യയെക്കുറിച്ച് നമുക്ക് എന്ത് അറിയാം ? എല്ലാം അറിയാം എന്നാണ്‌ ഭാവം; എന്നാൽ ഒരു ചുക്കും അറിയില്ല എന്നതാണ്‌ വാസ്തവം. സംഖ്യ എന്ത്?, എന്തിന്‌?, എങ്ങനെ? - ഈ മൂന്നു ചോദ്യങ്ങൾക്ക് ഉത്തരം നല്കാൻ പലപ്പോഴും നമുക്ക് കഴിയാതെ പോകുന്നു. 

NO CHANGE TO CHANGE ( BY SIVADAS MASTER PAZHAMPILLY)

NO CHANGE TO CHANGE

(SIVADAS MASTER PAZHAMPILLY)

മാറ്റമില്ലാത്തതു മാറ്റതിനു മാത്രം

(മാറ്റങ്ങൾ അനിവാര്യം) (ശിവദാസ് മാസ്റ്റർ പഴമ്പിള്ളി)

 

ചലനം ചലനം ചലനം ………

മാനവ ജീവിത പരിണാമത്തിൻ

മയൂരസന്ദേശം.........................

      പണ്ട് കേരളത്തിലെ സിനിമാ കൊട്ടകകളിൽ നിന്നും വൈകുന്നേരം 6 മണി ആയാൽ കേട്ടിരുന്ന ഒരു ഗാനമാണിത്. ചലനം പരിണാമമാണ്‌. അതുണ്ടെങ്കിൽ മാത്രമെ ജീവൻ, ജീവിതം ഉള്ളു. ജഢത്വവും സ്ഥിരതയും മനുഷ്യനെ നിഷ് പ്രഭമാക്കുന്നു. ഇവ രണ്ടും മാറ്റത്തെ എതിർക്കുവാൻ മനുഷ്യനെ പ്രേരിപ്പിക്കുന്നു. മാറ്റത്തെ പ്രതിരോധിക്കുകയല്ല വേണ്ടത്; പകരം മാറ്റങ്ങളിൽ നിന്നും ഊർജ്ജം ഉൾക്കൊണ്ട് പുതു പ്രവർത്തനങ്ങളിൽ ഏർപ്പെടുകയാണ്‌ ചെയ്യേണ്ടത്. ഈ പ്രപഞ്ചത്തിൽ ‘മാറ്റമില്ലാത്തത് മാറ്റം മാത്രാമാണ്‌’ എന്ന് മാർക്സ് അഭിപ്രായപ്പെട്ടിട്ടുണ്ട്.